ఉద్యోగమో రామచంద్రా…!

Originally posted on మడత పేజీ:
తుమ్మితే ఊడే ముక్కూ.. ఉత్తినే ఊడే ఉద్యోగమూ .. ఒకటేనూ…! ఉండినా ఊడినా … జీవితాంతం చేసిన పని ఒట్టిదై పోతుందా? ఒద్దన్న  కాదన్నా… జీవితకాలపు శ్రామిక బంధాలు ఇట్టే తేలిపోతాయా?  అయినా , ఉద్యోగం మీద …అందునా ఒట్టొట్టి ఉద్యోగం మీద .. గట్టి  భ్రమలు   పెంచుకొనే వాజమ్మలూ జేజెమ్మలూ..ఉన్నారంటారా ..ఈ రోజుల్లోనూ! సరే, మీకొకరిని పరిచయం చేస్తాను. ఒక ఊళ్ళో ఒక తపాలా ఉద్యోగి ఉన్నారట. ఎండైనా వానైనా  ఒక నిష్టతో ఒక ఇష్టంతో తపాలపనులు చేసేవాడట. ఉద్యోగమన్నాక  ఏదో ఒక రోజున విరమించాల్సిందే కదా. ఇక, ఉద్యోగవిరమణ జరిగిన రోజున ఊరు వాడా కదిలొచ్చి , కన్నీటి వీడ్కోలు చెప్పారట.వారి అభిమానంలో మునకలేస్తున్న ఆ పెద్దమనిషి , గుండె చెరువై పోయిందిట. బావుంది. ఆ మర్నాడు ఉదయానికి కానీ , అతనికి ఉద్యోగ విరమణ అంటే ఏంటో స్పృహలోకి రాలేదు. ఇన్నాళ్ళూ ఉద్యోగమే అతని జీవితం. ఊపిరి. ఉద్యోగంలో అతను పెట్టిన పెట్టుబడి అతని ఉద్వేగమే. అతని కలలు , ఆశలు , ఆశయాలు.. శక్తి సామర్ధ్యాలు …అన్నీ అన్నీ అక్కడే ధార పోశాడు. ఎంతో ఇష్టంగా. తనదిగా.  ఆ ఉద్యోగమే తనుగా. మీకు తెలిసిపోయింది కదా? ఆ తపాలా చిరుద్యోగి టాల్ స్టాయ్ గారి  కథానాయకుడు. కథల్లో ఇలాంటి కమానిషులు బోల్డుంటాయి ! అని తేల్చి పారేస్తారేమో మీరు. ఆగండాగండి. సరిగ్గా ,అలాంటి ఒక వ్యక్తిని పరిచయం చేస్తా. ఆమె పాతికేళ్ళ క్రితం, నగరం నుంచి పట్టణానికి వలస వచ్చింది. కొత్త కోడలిగా. చేయడానికి చిన్ని చిన్ని ఆలోచనలతో పాటు కొద్దిపాటి ఆవేశంతో ఉండేది. వంటావార్పు, ఇంటిపనులు,సరుకుల కొనుగోళ్ళు, బట్టలు ఉతుక్కోవడాలు,అంట్లు తోముకోవడాలు వగైరాలన్నీ ,పూర్తయినా బోలెడంత సమయం మిగిలేది. ఇక, వాకిట్లో పూలు పూయిస్తూ పూయిస్తూ,  ఆ గోడకవతల ,సోడాలమ్మే  పట్టుమని జానాబెత్తెడు లేని కిట్టు చులాగ్గా చేస్తోన్నబేరసారాలు , నోటిలెక్కలు  చూసి పలకరిచింది. సోడాలు కొడుతూ  కొడుతూ లెక్కలు ఎక్కాలతో పాటు అక్షరాలు వంటబట్టించేసింది అతనికి. ఒకడు…

సెర్ద గా పాఠం !

నడిరేయి.చిమ్మ చీకటి. ఈదర గాలి.ఉత్తరాన ఉరుము.దూరాన పిడుగు. పొలం గట్టు.ఏకాకి నడక. చురుక్కున తీగ మెరుపు.తలవిరబోసుకొన్న చిక్కటి చింతచెట్టు.కొమ్మల్లో చిక్కుకొన్న చూపులు.అర్థ రాత్రి అంకమ్మ శివాలు. గుండెల్ని పిండేసే పసివాడి ఏడుపు.పేగుల్ని చీల్చే … ఆగండి ఆగండి. నేనూ ఆగుతున్నా. గుండె దిటవు చేసుకోండి. ఇదేమీ, భూతప్రేతకథాత్మ కాదు. కాకరకాయ కాదు. ఒక పంతులయ్యకు పాఠం నేర్పిన పసివాడి కథ. అంటారు, కథ చెప్పడానికి అవీ ఇవీ ఏవేవో కావాలని. పి.రామ కృష్ణ గారి” దయ్యం” కథ… Read More సెర్ద గా పాఠం !

అయ్యో చంద్రన్నా, 

అయ్యో చంద్రన్నా, ఇంతలో ఎంత మాట వినవలసి వచ్చింది! చెట్టుపై ఒదిగిన చిన్ని ఎర్రపిట్ట ప్రాణం వాయులీనం అయినదనీ! వినీల జగతిలో లీనమైనదనీ!విశ్వాంబరమైనదనీ! ఇది ఏమీ బాలేదు అన్నా, తనలో తాను బందీ అయిన ఈ మాయదారి ప్రపంచపు విడుదలకు మనం ఇంకా తాళంచెవుల వెతుకులాట పూర్తిచేయలేదు! మీరొక పురాభావనగా మారిపోతారా?అలా అర్థాంతరంగా తరలి పోతారా ? చిక్కుబడిన చీకటి దారుల్లో, మీరు విసిరివేసిన నల్లమిరియాల జాడలు ఎలా వెతుక్కోవడం! మాయాలాంతరు కూడా మసిబారిందే! సమకాలీన తెలుగు… Read More అయ్యో చంద్రన్నా, 

నిశ్చయముగ నిర్భయముగ 1

Originally posted on మడత పేజీ:
మా ఇంటి పుస్తకాల అరలో శ్రీశ్రీ గారు, చలం గారు లేరని నేను గ్రహించేటప్పటికే, నేను  సాహిత్య విద్యార్ధిని. అందులోను ఆంగ్లసాహిత్యం. కొద్దిపాటి రచనలు కూడా అచ్చయ్యాయి  “ఏమిటీ ? మహాప్రస్థానం” చదవకుండా కథలు రాసేస్తున్నారా? అందులోని ప్రతి అక్షరం నాకు కంఠోపాఠం!” అంటూ అత్మీయ సాహితీ మిత్రులొకరు కళ్ళర్రజేసి, ఆశ్చర్యపోయి ,ఆ పై జాలి కురిపించారు. ఆ పై , మెత్తగా హెచ్చరిక చేశారు. దడ పుట్టి బిక్కచచ్చి , వారి…

నిశ్చయముగ నిర్భయముగ

Originally posted on మడత పేజీ:
పాలమూరులో మేము … పనిగట్టుకొని ఎవరో నియమం ఏర్పరిచినట్లుగా, క్రమం తప్పకుండా, ప్రతి ఆదివారం … ఉదయం కుంకుళ్ళతలంటు , మధ్యాహ్నం మంచి మసాలాభోజనం, ఆపై మ్యాట్నీ షో కు ప్రస్థానం. అప్పుడు నాకు పదకొండేళ్ళు.మా చెల్లెలు ,కమల , నాకన్నా ఏడాదిన్నర చిన్నది. సినిమా టిక్కెట్లు…బారానా(ముప్పావలా), రూపాయి ,రూపాయిన్నర.  అమ్మ తలా రూపాయి ,మరో పదిపైసలు బటాణీలో పుట్నాలో కొనుక్కోమని ఇచ్చి పంపేది.  మేము పరమబుద్ధి మంతుల్లా బారానా టిక్కెట్టు కొనుక్కొని…

“ఏనుగును చూసిన వాడు”

“ఏనుగును చూసిన వాడు” కథ చాలా హృద్యంగా ఉన్నది. http://epaper.navatelangana.com/1155955/Sopathi-Weekly/sunday-Book#dual/12/1 ఇప్పుడే ఆ కథ చదివిన ఆర్ధ్రత , ఇంకా నా కనురెప్పలని వదలనంటొంది. పిల్లలల్లొని సహజ కుతూహలమూ, ప్రకృతి ప్రకోపమూ,అడవి.ప్రమాదపు అంచున మనుగడ. ఇక, ఆఖరి వాక్యాలు ప్రభుత్వ మనస్తత్వాన్ని చాలా సరళంగా ,సహజంగా చెపుతూ, అసలు ఏనుగెవ్వరో చెప్పకనే చెప్పాయి ! అయినా, ప్రమాదాన్ని జరగనివ్వాలా? ప్రమాదాన్ని సూచించాలా?అదీ ,పిల్లల విషయంలో.ఆలోచిద్దాం ! రచయిత Palamanerbalaji Knపలమనేరు బాలాజి గారికి శుభాకాంక్షలు http://epaper.navatelangana.com/1155955/Sopathi-Weekly/sunday-Book#

సాహితీ వ్యవసాయి కి జేజే !

వారిని చూడగానే అప్పుడే పొలం పనికి వెళ్ళొచ్చిన సాధారణ రైతులా ఉంటారు.ఎటువంటి ఆర్భాటాలు, హంగులు రంగులు వారి జోలికి రావు కాక రావు. ఒక మామూలు రైతు లా సాగుతుంది వారి మాట.వ్యవహారం. స్వతహాగా ఖంగుమనే వారి కంఠ ధ్వని.ఆలోచనల్లో ప్రసంగంలో స్పష్టత .లోతు. రైతు కథల కవితల సమాహారం చేసిన ముచ్చట వీరిదే! వీరే కదా తెలుగు పద్యాలను తెలుగు నాడి గుర్తెరిగి మరీ పరిచయం చేసింది… వీరే కదా సముద్రం అంతటి పుస్తక ప్రేమనూ… Read More సాహితీ వ్యవసాయి కి జేజే !

సఫాయి బస్తీ సంబురం !

“బడి గుర్తుకే మన ఓటు. టీచర్ గుర్తుకే మన ఓటు. పలక గుర్తుకే మన ఓటు. పుస్తకం గుర్తుకే మన ఓటు.” *** పుస్తకం నా నేస్తం. పుస్తకంతోనే నా దోస్తానం. *** పుస్తకం అంటే ఈ పిల్లలకు ఎంత ప్రాణమో తెలుసు కనుక , వారి పంతులమ్మ గారు,వారి బడి కి స్నేహితులు కలిసి ఇప్పటి వరకు మూడు పుస్తకాలు ప్రచురించారు. వారేమీ, అక్షర లక్షంలున్న ఆసాములేమీ కాదు. సఫాయి బస్తీ వాసులు. కొత్తగూడెం పట్టణం… Read More సఫాయి బస్తీ సంబురం !

పంచమ గీతి: నివాళి

“పంచమంతో పలకరించారు.ఉత్తరాల కబుర్లు పంచుకొన్నాం. అనంతపురం లో కలవడం. నాగసూరి గారు ,సింగమనేని గార్ల సమక్షంలో. ఒకే వేదిక మీద మా ఇరువురి నవలల కబుర్లు ,పాఠకులతో కలబోసుకొన్నాం . ” చీకటి పూల” లో ముడిచి, జైలు తో ముడి పడిన పిల్లల కథలెన్నో చెప్పారు.ఎంత ఆర్ద్రత నిండి ఉండిందో ప్రతి బిడ్డ గురించి చెప్పినప్పుడు. “కరువు” తీరా కథలు రాయాలన్న తపన. “ఏకాకి నౌక చప్పుళ్ళు” వినిపించారు. వాళ్ళమ్మాయి చిలుకురి దీవెన అప్పుడప్పుడే రాస్తోంది… Read More పంచమ గీతి: నివాళి